Feeds:
Artigos
Comentarios

Posts Tagged ‘nazismo’

Joseph Joffo naceu en Francia en 1931 e na súa novela cóntanos como foi a súa vida desde que en 1940 os nazis chegan a París,  orixinando a súa fuxida e a do seu irmán Maurice. Na costa mediterranea  reúnense cos seus irmáns maiores e alí vivirán seguros durante un tempo pero cando está zona deixa de ser libre teñen que poñerse en marcha outra vez. Viaxan a pé, en tren, autobús e en calesa. Pasan fame, frío, medo e aprenden a sobrevivir.

Joseph tiña dez anos cando a historia comeza e non entende que está pasando. Todo o vemos a través dos ollos inxenuos dese pequeño xudeu: a guerra, a persecución que sofren os comunistas, os xudeus, os resistentes… e a morte.

Read Full Post »

La habitación de arriba, de Johanna Reiss:

As causas, o desenvolvemento e o auxe do nazismo en Alemania aparecen resumidos pola autora na introdución facilitando o coñecemento e a comprensión desta época. Johanna Reiss narra a súa experiencia persoal durante a Segunda Guerra Mundial, unha nena xudía que vivía en Holanda e que sente perigar a súa vida. A súa familia vese obligada a separarse e agacharse dos alemáns para evitar ser levados a campos de concentración. Annie tiña 6 anos en 1938 ao comenzo da novela, cando os alemáns invaden Austria e durante sete anos as súas palabras, a súa visión inocente, interpretan os acontecementos.

A través deste relato autobiográfico coñecemos os horrores daquel momento, o sufrimento do pobo xudeu, pero tamén a xenerosidade, o compromiso e a esperanza para enfrontarse á barbarie  nazi.  

Read Full Post »

Gudrun Pausewang naceu en Alemaña en 1928 e, ao terminar a Segunda Guerra Mundial, tivo que fuxir á que entón era «a outra Alemaña». Traballou en Chile, Venezuela e regresou a Alemaña, pero en 1968  marchou para Colombia. En 1970 comenzou a escribir libros infantís.

La traidora

Sinopse: Coma tódalas fins de semana, Anna, unha estudante alemá nos tempos da Segunda Guerra Mundial, volta á súa vila para pasar uns días cos seus. Camiño da súa casa descobre unhas pegadas na neve que levan directamente á granxa familiar. No graneiro atopa un home enfermo. É un prisioneiro de guerra fuxido. Un ruso. Un inimigo. Que debe facer ela? Ana toma unha decisión que traerá graves consecuencias.

A acción ten lugar nunha pequena vila alemá próxima á fronteira durante os últimos meses da guerra. Ó longo da novela hai unha defensa do valor do ser humano, unha reflexión persoal como maneira de achegarse á verdade e unha dura crítica á ideoloxía do nacionalsindicalismo. Os personaxes están claramente definidos, son distintos e teñen distintos modos de enfrontarse á realidade.

A novela está escrita en terceira persoa e centrada nunha personaxe, Anna, unha moza de 16 anos,  a través da que coñecemos os outros e todo canto acontece. A protagonista reflexiona sobre a liberdade, os valores morais, a manipulación, o fanatismo polas ideas de Hitler e no final da novela resalta a dureza da guerra.

Read Full Post »

O nazismo e o holocausto están presentes na Literatura Xuvenil dende hai moitos anos. Soldados de plomo é unha novela sobre o nazismo que paga a pena destacar. É un relato autobiográfico que trata o tema da II Guerra Mundial e a persecucción dos xudeus polos nazis dunha  maneira realista e nada inxenua nin candorosa.

Sinopse: Varsovia, Segunda Guerra Mundial, asedio nazi sobre os xudeus polacos. Nesta novela a historia fala de inxustiza, de sufrimentos, de marxinados e de perseguidos. Non obstante, a través dos ollos do mozo Yùrek ábrese unha porta á solidariedade, á amizade, á esperanza dun futuro de paz onde xa non existan vencedores nin vencidos.

Uri Orlev naceu en Varsovia (Polonia) en 1931. Durante a ocupación nazi vivíu nun gueto desa cidade coa súa nai e o seu irmán pequeno, logo foi deportado ó campo de concentración de Bergen-Belsen. Despois da guerra, trasladouse a Israel e agora vive en Xerusalén.

No ano 1996 concedéuselle o premio Hans Christian Andersen, a máis alta distinción outorgada a escritores de literatura infantil e xuvenil.

Maite Ricart  entrevistou a  Uri Orlev en  Barcelona  en setembro de 1999, onde di que cando era neno lía moitos libros e sentía ciúmes dos heroes porque lles pasaban moreas de cousas e a el non.

Ao comezar a guerra todo cambiou. Varsovia ardía, a súa familia e mais el corrían polas rúas para salvarse e durante a guerra sentiuse un heroe de novela. A infancia que aparece nos seus libros, cheos de feitos terribles, excitantes, emocionantes, foi a que lle tocou vivir e que sempre fala dese período coma se fose un neno.

Nesa entrevista conta que o seu primeiro relato para nenos,  El monstruo de la oscuridad, o escribiu para participar nun concurso radiofónico que gañou. Era a historia dun neno que se facía amigo dun monstro que axexaba na escuridade. O autor confesa que de neno, no gueto, tiña máis medo da escuridade e dos fantasmas ca dos gardas alemáns. Cando se publicou o seu primeiro libro, Soldados de plomo, este ía dirixido a un público adulto pero nalgúns paises editouse en coleccións xuvenís e un periodista comentou que podería ser un bo escritor de literatura infantil e xuvenil.

Read Full Post »

 

 Inverno de 1943 nun val dos Pireneos franceses. Uns guías son capturados mentres intentaban evacuar seis fillos de membros da Resistencia cara a España. Apenas tiveron tempo de agachar os seus protexidos, e néganse a entregalos. Anoxados, as SS execútanos . Tras  buscaren infrutuosamente aos nenos, os verdugos deciden abandonalos ao frío, destruíndo a única pasarela pola que poderían voltar ó val. Os seis rapaces son agora prisioneros da montaña, e o inverno só está comezando. Deberán organizarse, atopar víveres e lume, e superar as diferenzas sociais e relixiosas –hai fillos de comunistas e de burgueses, de xudeus e de cristiáns– para teren algunha posibilidade de sobrevivir.

 

 

A novela narra o vivido por seis mozos, rapaces e rapazas, fillos de membros da Resistencia nos Pireneos durante o inverno de 1943. Os seus pais non querían poñer en perigo a vida dos seus fillos, por iso os deixaron nas mans duns guías de montaña. Cando os seus guías son asasinados polos nazis, eles teñen que organizarse para sobrevivir, mostrando a capacidade de superación do ser humano en condicións extremas e acaban formando unha pequena familia. E xuntos teñen que loitar contra os dous grandes inimigos: o inverno e os nazis.

Los niños del invierno ten realismo, crueldade, pero tamén delicadeza, amor, amizade.  Os protagonistas representan moitos nenos e mozos do Pireneo francés que foron separados das súas familias durante a guerra. A novela non está baseada en feitos reais, pero o contorno, os nomes xeográficos e a situación histórica si o son.  O inverno e a alta montaña están  sempre presentes no libro. A Resistencia traballou arreo nos Pireneos xunto a guerrilleiros españois, e foron moitos os rapazes que pasaron clandestinamente a fronteira entre Francia e España fuxindo dos alemáns e que hoxe viven aquí ou voltaron a Francia.

Read Full Post »





 

Poñer en mans da xuventude O Diario de Ana Frank é un desafío que nos interpela como cidadáns, esixíndonos una mirada crítica e activa sobre o noso pasado. Coñecer obras desta envergadura permite sensibilizarnos e polemizar acerca do mundo social do que formamos parte.
A lectura do Diario acercará a xuventude a un período da historia marcado pola discriminación, o odio e a violencia, que deixaron marcas indelebles en todas as persoas. Para moitos alumnos eses feitos serán escoitados por primeira vez e outros disporán de certa información; pero para todos será unha porta aberta a ese pasado que debemos coñecer. Este texto ofrécese aos nosos estudantes como unha obra necesaria para conformar o seu repertorio de lecturas, e é posible que se constitúa como un fito no seu percorrido lector.

O Diario de Ana Frank é un diario escrito pola nena Ana Frank (Annelies Marie (Anne) Frank) entre o 12 de xuño de 1942 e o 1 de agosto de 1944.
Oculta coa súa familia e outros xudeus nunha bufarda duns almacéns de Amsterdam durante a ocupación nazi de Holanda, Ana Frank, con trece anos, conta no seu diario a vida do grupo. Axudados por varios empregados da oficina, permaneceron durante máis de dous anos no achterhuis (coñecido como “o anexo secreto”) ata que, finalmente, foron delatados. Ana rematou o diario tres días antes de que os ocupantes do anexo fosen traizoados. Margot Frank tamén escribiu un diario, pero nunca se atopou ningún rastro deste.

O 4 de agosto de 1944, axentes da Gestapo deteñen a todos os ocupantes e son levados a diferentes campos de concentración.

Logo de permaneceren durante un tempo nos campos de concentración de Westerbork e Auschwitz, Ana e a súa irmá maior, Margot, foron deportadas a Bergen-Belsen, onde ambas morreron durante unha epidemia de tifo entre finais de febreiro e mediados de marzo de 1945.

 

OUTROS LIBROS DE INTERESE:


Zlata Filipovic reúne en Voces robadas a traxedia dos nenos nas guerras.

ZLATA: a Ana Frank de Sarajevo




SITIO WEB OFICIAL DA CASA DE ANA FRANK

WIKIPEDIA E ANA FRANK

GUÍA DE LECTURA

MINISTERIO DE EDUCACIÓN E ANA FRANK

Read Full Post »

A acción transcorre en Berlín durante a Segunda Guerra Mundial. Tras a morte de seus pais a finais do 1939, Piotr, un mozo polaco de 14 anos, é enviado a un orfanato en Varsovia.
   

 

 

 

Pero Piotr é un Volksdeutscher, de sangue alemán, ten o cabelo louro e os ollos azuis; é o perfecto prototipo das Xuventudes Hitlerianas. O profesor Kaltenbach e a  súa muller, unha parella de fervorosos nazis con tres fillas, están encantados de acoller un ario tan estupendo no seu fogar. O rapaz séntese agradecido de ter mellor sorte ca moitos dos seus compatriotas, obrigados a traballar en exceso ou asasinados. Piotr pasa a ser Peter, adáptase á súa nova vida, quere ser un verdadeiro nazi e únese ás Xuventudes Hitlerianas. Pero pronto a súa actitude cara ó nazismo cambia e a través del vemos como descobre que detrás da aparente adulación a Hitler hai moitos disidentes que corren riscos, cómo era a sociedade civil alemá nos tempos da Segunda Guerra Mundial e cómo o Terceiro Reich gobernaba os destinos de todos os cidadáns.

 
 

 

 O ritmo da novela, tranquilo nun principio, vaise incrementando e na última parte alcánzase a tensión propia dun relato de suspense. O lector sofre e preocúpase pola sorte que poidan ter os seus protagonistas.

 

Read Full Post »