Feeds:
Artigos
Comentarios

Posts Tagged ‘amor’

 

 Inverno de 1943 nun val dos Pireneos franceses. Uns guías son capturados mentres intentaban evacuar seis fillos de membros da Resistencia cara a España. Apenas tiveron tempo de agachar os seus protexidos, e néganse a entregalos. Anoxados, as SS execútanos . Tras  buscaren infrutuosamente aos nenos, os verdugos deciden abandonalos ao frío, destruíndo a única pasarela pola que poderían voltar ó val. Os seis rapaces son agora prisioneros da montaña, e o inverno só está comezando. Deberán organizarse, atopar víveres e lume, e superar as diferenzas sociais e relixiosas –hai fillos de comunistas e de burgueses, de xudeus e de cristiáns– para teren algunha posibilidade de sobrevivir.

 

 

A novela narra o vivido por seis mozos, rapaces e rapazas, fillos de membros da Resistencia nos Pireneos durante o inverno de 1943. Os seus pais non querían poñer en perigo a vida dos seus fillos, por iso os deixaron nas mans duns guías de montaña. Cando os seus guías son asasinados polos nazis, eles teñen que organizarse para sobrevivir, mostrando a capacidade de superación do ser humano en condicións extremas e acaban formando unha pequena familia. E xuntos teñen que loitar contra os dous grandes inimigos: o inverno e os nazis.

Los niños del invierno ten realismo, crueldade, pero tamén delicadeza, amor, amizade.  Os protagonistas representan moitos nenos e mozos do Pireneo francés que foron separados das súas familias durante a guerra. A novela non está baseada en feitos reais, pero o contorno, os nomes xeográficos e a situación histórica si o son.  O inverno e a alta montaña están  sempre presentes no libro. A Resistencia traballou arreo nos Pireneos xunto a guerrilleiros españois, e foron moitos os rapazes que pasaron clandestinamente a fronteira entre Francia e España fuxindo dos alemáns e que hoxe viven aquí ou voltaron a Francia.

Read Full Post »

 

Un ataque extraterrestre extingue a humanidade. A Terra fica nun planeta baleiro de vida. Por unha casualidade, Alba e Dídac conseguen librarse do exterminio. Tras comprobaren que son os únicos que sobreviviron, comezan unha nova andaina na que a amizade, a solidariedade, a maduración e a descuberta do amor farán agromar a esperanza dunha nova civilización.

Foi levada á televisión por medio dunha serie de grande éxito producida e emitida por TV3. Recentemente a produtora catalá Antàrtida Produccions, de Carles Porta, adquiriu os dereitos de adaptación cinematográfica da popular novela de Manuel de Pedrolo, que está preparando a súa produción para o salto ao cine. A película estará dirixida polo director de cine Bigas Luna e o guión asínao o propio Luna, o produtor Carles Porta e os guionistas Marcel Barrena e David Victori.

Read Full Post »

 Coma tódolos mozos e mozas da súa idade, Tally espera impacientemente cumpri-los 16 anos para someterse á operación cirúrxica que a converterá en muller perfecta.

A súa amiga Shay foxe para unirse á resistencia, un grupo de disidentes que non queren someterse á Operación e que viven en El Humo, unha cidade clandestina. Despois da fuxida de Shay, as autoridades ofrécenlle a Tally dúas opcións: ou non someterse á Operación e ser imperfecta para sempre, ou ir na procura de Shay e entregala aos axentes de Circunstancias Especiais.

 

Tally Youngblood por fin é perfecta… A súa vida non pode parecer máis feliz. Xunto a Shay e a Peris, goza das festas interminables en Nova Beleza, e está a punto de ser admitida no mellor grupo de perfectos, os Crim, liderado por Zane, o perfecto máis “gamberro” da cidade.

Nunha festa de disfraces Tally coñece a Zane e, grazas a el, atopa unha mensaxe misteriosa…

Esta mensaxe, que ela escribira antes de se entregar aos Especiais, devólvelle os recordos, que a fan consciente do seu pasado e lle traen de volta a vella Tally coa misión de saber que secuelas ten a operación, e, sobre todo, de descubrir se estas son reversibles.

 

Xa pasou tempo desde que Tally era unha imperfecta rebelde e indisciplinada. Daquela para ela os Especiais eran só un rumor sinistro: deles dicíase que eran atractivos, rápidos e poderosos coma ninguén. Ironicamente, o destino levou a Tally a converterse nunha deles e trala máis artificiosa das operacións, a forza, velocidade e claridade do seu pensamento fan que se sinta mellor ca nunca.

Case non recorda nada do pasado, pero cando a Dra Cable lle asigna a misión de acabar coa resistencia, Tally escoitará o seu corazón, onde aínda hai memorias imborrables.

Read Full Post »

Podes ter información moi completa sobre os dous primeiros libros, xa publicados, desta triloxía.

losjuegosdelhambre

 

Nun opresor mundo futuro onde as guerras deixaron un país dividido en doce distritos baixo o poder tiránico do Capitolio, o importante non é só manter a raia os sometidos senón brindárlle-lo espectáculo da submisión. Cada ano o Capitolio organiza un evento televisivo chamado Os Xogos da Fame. Os elixidos no sorteo teñen que loitar a morte ata que quede un só supervivente e os cidadáns están obrigados a ver este reality show.

Suzanne Collins fainos ver ata onde podería chegar un Grande Irmán entolecido nunha sociedade sen ética nin moral.

Chegou a hora: Katniss ten que LOITAR PARA SOBREVIVIR.

 

Katniss logrou  o que parecía imposible: non só sobreviviu aos  Xogos da Fame senón que conseguiu que Peeta tamén saíse con vida. Isto é un desafío ao Capitolio, e todos saben que o Capitolio nin esquece nin perdoa.

A parella procura manter ante o público o papel de namorados, que lles permitiu sobrevivir… e que quizais sexa máis sincero do que parece. Ademais corre o rumor de que hai unha rebelión contra o Capitolio. Katniss e Peeta poderían se-los culpables do seu comezo.

 En Llamas, segunda novela da triloxía, continúa a historia de Katniss Everdeen. O relato sométea a probas inda máis difíciles e sorprende unha e outra vez aos lectores. O CAPITOLIO QUERE VINGANZA.

 

Read Full Post »