Feeds:
Artigos
Comentarios

 

Bases:

1- A temática xirará arredor do amor.

2 – A extensión dos traballos será:

    a) Relato:     – mínima dunha páxina e máxima de catro páxinas.

    b) Carta:       – máxima dúas páxinas.

    c) Poema:    – mínima de dez e máxima de cen versos.

   Poderán ser textos mecanografados ou manuscritos.

3 – Os traballos serán orixinais e inéditos e poden redactarse en lingua galega ou castelá.

4 – Os participantes utilizarán pseudónimos e meterán nun sobre pechado o nome real.

5 – Haberá premios para os dous mellores traballos de cada categoría (relato, carta, poema) en cada un dos seguintes grupos: 1º ciclo da ESO / 2º ciclo da ESO / Bacharelato. Estes poderán ser declarados desertos.

6 – Presentaranse os orixinais na biblioteca ata o luns 14 de febreiro de 2011. Os traballos que se reciban despois deste día non entrarán no concurso.

7- O xurado estará integrado por cinco persoas: profesorado e alumnado do club de lectura e biblioteca. A   resolución do xurado darase a coñecer o luns 28 de febreiro de 2011.

8 – A participación neste concurso implica o consentimento do autor/a para a divulgación da obra presentada nas páxinas web da biblioteca e do club de lectura Raíña Lupa se se considera oportuno.

9 – A participación nesta convocatoria implica a aceptación de todas e cada unha das normas contidas nas presentes bases.

O DIARIO DE ANA FRANK





 

Poñer en mans da xuventude O Diario de Ana Frank é un desafío que nos interpela como cidadáns, esixíndonos una mirada crítica e activa sobre o noso pasado. Coñecer obras desta envergadura permite sensibilizarnos e polemizar acerca do mundo social do que formamos parte.
A lectura do Diario acercará a xuventude a un período da historia marcado pola discriminación, o odio e a violencia, que deixaron marcas indelebles en todas as persoas. Para moitos alumnos eses feitos serán escoitados por primeira vez e outros disporán de certa información; pero para todos será unha porta aberta a ese pasado que debemos coñecer. Este texto ofrécese aos nosos estudantes como unha obra necesaria para conformar o seu repertorio de lecturas, e é posible que se constitúa como un fito no seu percorrido lector.

O Diario de Ana Frank é un diario escrito pola nena Ana Frank (Annelies Marie (Anne) Frank) entre o 12 de xuño de 1942 e o 1 de agosto de 1944.
Oculta coa súa familia e outros xudeus nunha bufarda duns almacéns de Amsterdam durante a ocupación nazi de Holanda, Ana Frank, con trece anos, conta no seu diario a vida do grupo. Axudados por varios empregados da oficina, permaneceron durante máis de dous anos no achterhuis (coñecido como “o anexo secreto”) ata que, finalmente, foron delatados. Ana rematou o diario tres días antes de que os ocupantes do anexo fosen traizoados. Margot Frank tamén escribiu un diario, pero nunca se atopou ningún rastro deste.

O 4 de agosto de 1944, axentes da Gestapo deteñen a todos os ocupantes e son levados a diferentes campos de concentración.

Logo de permaneceren durante un tempo nos campos de concentración de Westerbork e Auschwitz, Ana e a súa irmá maior, Margot, foron deportadas a Bergen-Belsen, onde ambas morreron durante unha epidemia de tifo entre finais de febreiro e mediados de marzo de 1945.

 

OUTROS LIBROS DE INTERESE:


Zlata Filipovic reúne en Voces robadas a traxedia dos nenos nas guerras.

ZLATA: a Ana Frank de Sarajevo




SITIO WEB OFICIAL DA CASA DE ANA FRANK

WIKIPEDIA E ANA FRANK

GUÍA DE LECTURA

MINISTERIO DE EDUCACIÓN E ANA FRANK

“Un libro no es un castigo ni una obligación sino una oportunidad”.

ENTREVISTA CON DAVID LOZANO

Donde surgen las sombras

Autor: David Lozano
Editorial: SM
Ano de publicación: 2006
Número de páxinas: 261
Xénero: Novela

“Uno ignora su propia fuerza interior hasta que la pone a prueba”.

Esta é unha frase do libro Donde surgen las sombras, do escritor aragonés David Lozano. Con esta novela obtivo o premio Gran Angular da editorial SM no ano 2006.

 

“Mi novela – dixo David Lozano – es una historia de atmósferas tenebrosas, un relato donde triunfa la amistad y donde se entremezclan las emociones y el suspense”.

 

Álex, un adolescente afeccionado aos videoxogos, non parece ter ningún problema ata que un  día  desaparece sen dar explicacións despois de entrar por error nun estraño videoxogo. Este feito coincide co asasinato de tres persoas en atroces circunstancias. Coa axuda dun inspector de policía, os seus amigos inician unha busca chea de sorpresas polas zonas máis escuras e perigosas da cidade. As pistas que van seguindo condúcenos a un mundo subterráneo de túneles e sumidoiros. Un mundo moi parecido a un xogo de rol, pero esta vez, de verdade.

 

A historia atrapará o lector desde as primeiras páxinas e será difícil non intentar saber que ocorreu aquela noite, diante dunha pantalla de ordenador, e que ou quen está detrás desas mortes. Unha novela de misterio que destaca a forza da amizade na superación de dificultades.

 

PALABRAS CLAVE

Amizade, Relacións de grupo, Integración, Identidade propia, Solidarizade, Violencia, Ordenador.

Outras obras do mesmo autor:

 

 

RELATOS DE TERROR

Seguir lendo »

 

Un ataque extraterrestre extingue a humanidade. A Terra fica nun planeta baleiro de vida. Por unha casualidade, Alba e Dídac conseguen librarse do exterminio. Tras comprobaren que son os únicos que sobreviviron, comezan unha nova andaina na que a amizade, a solidariedade, a maduración e a descuberta do amor farán agromar a esperanza dunha nova civilización.

Foi levada á televisión por medio dunha serie de grande éxito producida e emitida por TV3. Recentemente a produtora catalá Antàrtida Produccions, de Carles Porta, adquiriu os dereitos de adaptación cinematográfica da popular novela de Manuel de Pedrolo, que está preparando a súa produción para o salto ao cine. A película estará dirixida polo director de cine Bigas Luna e o guión asínao o propio Luna, o produtor Carles Porta e os guionistas Marcel Barrena e David Victori.

A acción transcorre en Berlín durante a Segunda Guerra Mundial. Tras a morte de seus pais a finais do 1939, Piotr, un mozo polaco de 14 anos, é enviado a un orfanato en Varsovia.
   

 

 

 

Pero Piotr é un Volksdeutscher, de sangue alemán, ten o cabelo louro e os ollos azuis; é o perfecto prototipo das Xuventudes Hitlerianas. O profesor Kaltenbach e a  súa muller, unha parella de fervorosos nazis con tres fillas, están encantados de acoller un ario tan estupendo no seu fogar. O rapaz séntese agradecido de ter mellor sorte ca moitos dos seus compatriotas, obrigados a traballar en exceso ou asasinados. Piotr pasa a ser Peter, adáptase á súa nova vida, quere ser un verdadeiro nazi e únese ás Xuventudes Hitlerianas. Pero pronto a súa actitude cara ó nazismo cambia e a través del vemos como descobre que detrás da aparente adulación a Hitler hai moitos disidentes que corren riscos, cómo era a sociedade civil alemá nos tempos da Segunda Guerra Mundial e cómo o Terceiro Reich gobernaba os destinos de todos os cidadáns.

 
 

 

 O ritmo da novela, tranquilo nun principio, vaise incrementando e na última parte alcánzase a tensión propia dun relato de suspense. O lector sofre e preocúpase pola sorte que poidan ter os seus protagonistas.

 

Obra

·        Divagacións iú (edición de autor, 1991)

·        O tigre das cenorias (edición de autor, 1994)

·        Sen título (edición de autor, 1995)

·         Propiamente son captivo (Letras de Cal, 1997)

·        Fucsia, talladas, estampados, boca (Imprenta Librería Alvarellos,2001).

Celso Fernández Sanmartín, nado en Lalín en 1969, licenciado en Filosofía pola Universidade de Santiago de Compostela, é un poeta e contador de contos galego.

Galiza é unha terra con gran tradición oral e os contadores de contos están nun bo momento. Celso Fernández Sanmartín transmite ó seu público historias e contos de Lalín, a súa vila natal, onde traballou como animador e coordinador das actividades desenvolvidas na residencia da terceira idade “ Nosa Señora das Dores”.

Celso está en contacto con persoas maiores do seu contorno, en residencias onde colabora ou percorrendo aldeas na procura de historias; e, cando el transmite esas historias, dálles un toque persoal. Ás veces  un conto está feito de outros varios e introdúcese algunha anécdota que o fai diferente e con estilo propio.

Comenzou a contar contos hai máis de quince anos na Casa da Xuventude en Lalín e a partir dese momento a súa presenza é solicitada en colexios, institutos, residencias… Colabora coa Fundación Caixa Galicia de Santiago de Compostela, onde cada dúas semanas ten sesións para os máis pequenos da cidade.

A súa actividade narrativa é cada vez maior e realiza actuacións en diversos lugares dentro e fóra de Galiza.

 

Calca no enlace para ve-la interpretación da Coordinadora dos ENDL de Galiza.

decretazo